أنا ليا حق عليك | خاطرة لرمضان سلمي

* بشبه علي بيت لكنه مش بيتي :::

 بس من ناحيه الشبه في شبه من شبه بيتي :::

 لكني متلخبط ومش عارف ده بيتي ولا فيوم كان بيتي :::
 يمكن أنا تايه يمكن أنا سكران :::

 عايش بلا بيت لكني مش ندمان ، ليه راجع يا بيتي تناديني وتقولي أنا زعلان ، " دنا ليا حق عليك يازفت ياقطران " :::

بتبات عند الغريب ليه منا أولي من الجيران :::
 نفسي تبات فحضني إنت ليه كده كسلان :::
 دنا بيتك وسكنك وإنت من غيري تعيش عريان :::
دنا ستر وغطا عليك ليه دايما تتوه فالعنوان :::
 تدخل البيت إللي جنب جنب جنبي وتسيبني أنا مطفي ونوري دبلان ،
 " دنا ليا حق عليك يازفت يا قطران " ::: 

::::::::::::::::::::::::::::::::::::::::::::::::::::::::: 

إنت إتولدت جوايا وعلي أرضي - وكرامتك وعرضك دول من عرضي :::
 كبرت من خيري وعليت علي حسي :::
 يمكن أنا قصرت فيوم لكنه غصب عني :::
كان في هنا ظالم حكم محكوم وقل من عزمي :::
 قالولي تصبر تنول وصبرت أنا لوحدي :::
 عدت سنين وأيام وكان النصر من بختي ::
: وأنت السبب مانت كنت واقف معايا وفضهري . 

:::::::::::::::::::::::::::::::::::::::::::::::::::::::::::: 

أخيرا أنا عافرت وقومت وصحيت من تاني :::
 وإتحديت العالم بيك ونشرت عنواني :::
 أنا مش هرجع تاني بيت إلا وإنت فأحضاني :::
 إفرح أنا جيت عود ليا يا أناني :::
إفرح وفرح كل الناس وإنشر الأمل بالعمل وبالحب إملاني ::
: دنا ليا حق عليك يا قاسي يا آناني :::
 فرحتي مش هتكمل إلا بيك وإسمك هيبقي عنواني :::
 ولو هنت تاني عليك وقلتلي إنساني :::
 وقتلت فيا الأمل وحرقت بنياني :::

فأنا مش هبكي تاني عليك - ولا عمري هبقالك بيت ويالا غور فداهيه بقه وإنساني :::
 وإلعن فيا براحتك إن جابوا سيرتي :::
مانت ناقص وطول عمرك فالنداله متفاني :::
 بتفكر فمصلحتك وناسي البيت - ياريت ترحل ولا نشوفك تاني :::
كان ليا حق عليك مش عايزه وإتقفلت قدامك خلاص بيباني .